অচিৰেই নিতেশ তিৱাৰীৰ ৰামায়ণত সীতাৰ চৰিত্ৰত দেখা যাব চাউথৰ জনপ্ৰিয় অভিনেত্ৰী সাই পল্লৱীক। এই ছবিখনত ৰণবীৰ কাপুৰে প্ৰভু শ্ৰীৰামৰ চৰিত্ৰত আৰু ৰবি ডুবেই লক্ষ্মণৰ চৰিত্ৰত অভিনয় কৰিব। এই ছবিখনৰ বাবে ৰণবীৰ কাপুৰে নিৰামিষ খাদ্য ত্যাগ কৰাৰ খবৰ আহিছিল। এতিয়া সাই পল্লৱী সন্দৰ্ভত একেধৰণৰ তথ্য পোহৰলৈ আহিছে, তাৰ পিছত ছাই পল্লৱীয়ে ইয়াক লৈ নিজৰ অসন্তুষ্টি প্ৰকাশ কৰি প্ৰতিক্ৰিয়া প্ৰকাশ কৰিছে।
‘ৰামায়ণ’ ছবিখনৰ বাবে ছাই পল্লৱীয়ে আমিষ খাদ্য ত্যাগ কৰাৰ খবৰ আহিছিল যদিও এনে খবৰক লৈ অসন্তুষ্টি প্ৰকাশ কৰিছে ছাই পল্লৱীয়ে। এনে উৰাবাতৰিৰ বিৰুদ্ধে আইনী ব্যৱস্থা লোৱাৰ সকীয়াই দিছে তেওঁ। শেহতীয়াকৈ ছাই পল্লৱীয়ে ছ’চিয়েল মিডিয়া প্লেটফৰ্ম এক্সত এটা পোষ্ট কৰিছিল, য’ত কোৱা হৈছিল যে তেওঁ ‘ৰামায়ণ’ত সীতাৰ চৰিত্ৰত অভিনয় কৰিবলৈ নিৰামিষভোজী হৈ পৰিছে।
ছাই পল্লৱীয়ে লিখিছে, যেতিয়া মই এনেকুৱা ভুৱা, ভিত্তিহীন, ৰচনা কৰা কথাবোৰ দেখিবলৈ পাওঁ, তেতিয়া মই মৌন হৈ থকাটো বাছি লওঁ, কিন্তু এতিয়া মোৰ প্ৰতিক্ৰিয়া প্ৰকাশ কৰাৰ সময় আহি পৰিছে, কাৰণ এইটো অবিৰতভাৱে ঘটি আছে আৰু বন্ধ হোৱা নাই। বিশেষকৈ মোৰ ছবিবোৰ যেতিয়া হয় তেতিয়া এনেকুৱা হয়।
ছাই পল্লৱীৰ কামৰ কথা কওঁতে তেওঁক শেষবাৰৰ বাবে দেখা গৈছিল তামিল ছবি অমৰণত। মেজৰ মুকুন্দ বৰাদৰাজনৰ জীৱনৰ আধাৰত নিৰ্মিত ছবিখনত ইন্দুৰ চৰিত্ৰত অভিনয় কৰিছিল। শিৱকৰ্থকেয়ানে ছবিখনত মেজৰ মুকুন্দ বাৰদৰাজনৰ চৰিত্ৰত অভিনয় কৰিছিল। ইয়াত ৰাহুল বসু আৰু ভুৱন অৰোৰাইও গুৰুত্বপূৰ্ণ ভূমিকা পালন কৰিছিল। ছবিখনে বক্স অফিচত বিপুল সফলতা লাভ কৰিছিল। এতিয়া নিতেশ তিৱাৰীৰ ‘ৰামায়ণ’ৰ জৰিয়তে বলীউডত অভিষেক ঘটাব ছাই পল্লৱীয়ে। ছবিখনত অভিনয় কৰিছে ৰণবীৰ কাপুৰ, ৰবি ডুবে, ছানী দেওল আৰু কানাড়া ছুপাৰষ্টাৰ যশে। দুটা ভাগত মুক্তি পাব ‘ৰামায়ণ’। ২০২৬ চনৰ দীপাৱলীত প্ৰথম খণ্ড মুক্তি পাব, ২০২৭ চনৰ দীপাৱলী উপলক্ষে ছবিখনৰ দ্বিতীয় খণ্ড মুক্তি পাব।
हिन्दुस्थान समाचार / মনোজ কুমাৰ শইকীয়া
