নতুন দিল্লী, ১২ ডিচেম্বৰ (হি.স.)। দেশৰ উদ্যোগিক উৎপাদন অক্টোবৰ মাহত ৩.৫ শতাংশ বৃদ্ধি পাইছে। যোৱা মাহত ছেপ্টেম্বৰ মাহত ঔদ্যোগিক উৎপাদনৰ বৃদ্ধিৰ হাৰ ৩.১ শতাংশ হাৰত বৃদ্ধি পাইছিল। ইয়াৰ মূল কাৰণ আছিল খনন, শক্তি আৰু উৎপাদন খণ্ডৰ দুৰ্বল প্ৰদৰ্শন।
পৰিসংখ্যা আৰু কাৰ্যসূচী ৰূপায়ণ মন্ত্ৰালয়ে বৃহস্পতিবাৰে জনোৱা মতে, ২০২৪ চনৰ অক্টোবৰ মাহত উৎপাদন খণ্ডৰ উৎপাদন ৪.১ শতাংশ বৃদ্ধি পোৱাৰ বিপৰীতে যোৱা বছৰৰ একে মাহতে ১০.৬ শতাংশ বৃদ্ধি পঞ্জীয়ন কৰা হৈছে। ২০২৪ চনৰ অক্টোবৰ মাহত খনন উৎপাদন ০.৯ শতাংশ আৰু বিদ্যুৎ উৎপাদন দুশতাংশ বৃদ্ধি পাইছে।
ৰাষ্ট্ৰীয় পৰিসংখ্যা কাৰ্যালয়ৰ তথ্য অনুসৰি এপ্ৰিল-অক্টোবৰৰ সময়ছোৱাত আই আই পি চাৰি শতাংশ বৃদ্ধি পাইছে, আনহাতে যোৱা বিত্তীয় বৰ্ষৰ একে সময়ছোৱাত ঔদ্যোগিক উৎপাদন ৭ শতাংশ বৃদ্ধি পাইছে। মন কৰিবলগীয়া যে পৰিসংখ্যা আৰু কাৰ্যসূচী ৰূপায়ণ মন্ত্ৰালয়ে প্ৰতিমাহে ১২ তাৰিখ বা কৰ্মদিনটো যদি বন্ধৰ দিন হয় তেন্তে পিছদিনা ঔদ্যোগিক উৎপাদনৰ সূচকাংকৰ দ্ৰুত অনুমান প্ৰকাশ কৰে।
হিন্দুস্থান সমাচাৰ / মনোজ কুমাৰ শইকীয়া
