হেৰিচবাৰ্গ, ৩০ মে’(হি.স.) । আমেৰিকা যুক্তৰাষ্ট্ৰৰ পেনচিলভেনিয়া ৰাজ্যৰ সৰ্ববৃহৎ চহৰ ফিলাডেলফিয়াত দেওবাৰে (স্থানীয় সময় অনুসৰি) ২১ বছৰীয়া ভাৰতীয় বংশোদ্ভূত ছাত্ৰ জুড চাকোক গুলীয়াই হত্যা কৰা হয়। সংবাদ মাধ্যমৰ প্ৰতিবেদন অনুসৰি কামৰ পৰা উভতি অহাৰ সময়ত অচিনাক্ত আক্ৰমণকাৰীয়ে তেওঁক গুলীয়াইছিল।
ভুক্তভোগীৰ পিতৃ-মাতৃ (আশা আৰু ৰয় চাকো) প্ৰায় ৩০ বছৰ আগতে কেৰালাৰ কোল্লাম জিলাৰ পৰা আমেৰিকালৈ আহিছিল। ফিলাডেলফিয়া পেনচিলভেনিয়া ৰাজ্যৰ দক্ষিণ অংশত ডেলাৱেৰ নদীৰ কাষত অৱস্থিত। প্ৰতিবেদনত কোৱা হৈছে যে জুড চাকোৱে পঢ়াৰ পিছত আজৰিৰ সময়ত কাম কৰিছিল।
তেওঁ কামৰ পৰা উভতি আহিছিল। বাটত দুজন বন্দুকধাৰীয়ে তেওঁক ডকাইতি কৰিবলৈ চেষ্টা কৰিছিল। যেতিয়া তেওঁ প্ৰতিৰোধ কৰিছিল, এজন ব্যক্তিয়ে তেওঁক গুলীয়াইছিল। এই বছৰ আমেৰিকা যুক্তৰাষ্ট্ৰত কোনো ভাৰতীয় বংশোদ্ভূত ব্যক্তিৰ হত্যাৰ এইটো দ্বিতীয় ঘটনা। ইয়াৰ পূৰ্বে যোৱা ২১ এপ্ৰিলত অন্ধ্ৰ প্ৰদেশৰ ২৪ বছৰীয়া ছাইশ বীৰা নামৰ এগৰাকী ছাত্ৰক ওহাইঅ'ত গুলীয়াই হত্যা কৰা হৈছিল।
হিন্দুস্থান সমাচাৰ/ মুকুন্দ /মনোজ/অৰবিন্দ
