কামৰূপ, ৩০ মে’(হি.স.)। দক্ষিণ কামৰূপৰ গৰৈমাৰীৰ মহিমাৰীত দুখনকৈ শিক্ষানুষ্ঠানত চুৰিকাণ্ডৰ ঘটনা সংঘটিত হৈছে ৷ দক্ষিণ মহিমাৰী প্ৰাথমিক বিদ্যালয় আৰু একেখন চৌহদত থকা অংগনাৱাড়ী কেন্দ্ৰত চোৰৰ এই চাফাই অভিযান চলে ৷

শিক্ষানুষ্ঠান দুখনৰ তলা ভাঙি চাউল দালি, বাচন-বৰ্তন, চিলিং ফেন, গেছ চিলিণ্ডাৰ, খেলৰ সামগ্ৰী, প্ৰয়োজনীয় নথিপত্ৰৰ লগতে অন্যান্য বহু সা-সমগ্ৰী চোৰে লুটি নিয়ে ৷

উক্ত ঘটনা সন্দৰ্ভত শিক্ষানুষ্ঠান দুখনৰ ফালৰ দিয়া এজাহাৰৰ ভিত্তিত গৰৈমাৰী আৰক্ষীয়ে শিক্ষানুষ্ঠানত উপস্থিত হৈ তদন্ত অব্যাহত ৰাখিছে ৷

হিন্দুস্থান সমাচাৰ/প্ৰকাশ/মনোজ