পুলৱামা, ২৮ জানুৱাৰী (হি.স.)। কংগ্ৰেছ নেত্ৰী প্ৰিয়ংকা গান্ধী ৱাদ্ৰাই শনিবাৰে পুলৱামা জিলাৰ লিথপোৰাত ভাৰত জোড়ো যাত্ৰাত ৰাহুল গান্ধীৰ সৈতে যোগদান কৰিছিল। প্ৰিয়ংকা গান্ধীয়ে ভাৰত জোড়ো যাত্ৰাৰ বাবে লিথপোৰাত ৰোৱাৰ আগতে কঠোৰ নিৰাপত্তা ব্যৱস্থাৰ মাজত কংগ্ৰেছৰ প্ৰাক্তন সভাপতিজনৰ সৈতে একেলগে আগবাঢ়ি গৈছিল।
যাত্ৰা অৱন্তীপোৰাৰ পৰা আৰম্ভ হৈছিল আৰু ইয়াত পিডিপিৰ সভাপতি মেহবুবা মুফতি আৰু তেওঁৰ কন্যা ইলতিজা মুফতীয়ে ভাৰত জোড়ো যাত্ৰাৰ বাবে ৰাহুল গান্ধীৰ সৈতে যোগদান কৰিছিল। ৰাহুল গান্ধীয়ে লিথপোৰাত আত্মঘাতি গাড়ী বোমা আক্ৰমণত নিহত ৪০ জন চিআৰপিএফ জোৱানক শ্ৰদ্ধাঞ্জলি জ্ঞাপন কৰে। ভাৰত জোড়ো যাত্ৰা নিশাটোৰ বাবে পান্থাচকত ৰ'ব। তাত নিশা ৰোৱাৰ পিছত, যাত্ৰা দেওবাৰে ৰাতিপুৱা পান্থা চকৰ পৰা আৰম্ভ হ'ব আৰু চহৰখনৰ বুলেভাৰ্ড ৰোডৰ নেহৰু পাৰ্কৰ ওচৰত সমাপ্ত হ'ব।
ৰাহুল গান্ধীয়ে সোমবাৰে এম এ ৰোডৰ দলীয় মুখ্য কাৰ্যালয়ত ৰাষ্ট্ৰীয় পতাকা উত্তোলন কৰিব। ইয়াৰ পিছত, তেওঁ এছ.কে. ষ্টেডিয়ামত এখন ৰাজহুৱা সভা অনুষ্ঠিত কৰিব। অনুষ্ঠানটোৰ বাবে প্ৰায় ২৩ টা বিৰোধী ৰাজনৈতিক দলক আমন্ত্ৰণ জনোৱা হৈছে।
এডিজিপি কাশ্মীৰ বিজয় কুমাৰে কয় যে ভাৰত জোড়ো যাত্ৰাত তিনিস্তৰীয় নিৰাপত্তা প্ৰদান কৰা হৈছে। সকলো সুৰক্ষা ব্যৱস্থা কৰা হৈছে। যাত্ৰা সুচাৰুৰূপে চলি আছে। যান-বাহনৰ পথো সলনি কৰা হৈছে। তেওঁ কয় যে কালি কোনো নিৰাপত্তা ৰক্ষাৰ ত্ৰুটি হোৱা নাছিল।
হিন্দুস্থান সমাচাৰ/বলৱান/মনোজ/অৰবিন্দ
