-বোমা বিস্ফোৰণত দহজন লোক নিহত হোৱাৰ লগতে দুডজনৰো অধিক লোক আহত হোৱাৰ তথ্য
জেৰুজালেম, ২৭ জানুৱাৰী (হি.স.)। গাজাৰ সন্ত্ৰাসবাদীয়ে ৰকেটেৰে ইজৰাইলক আক্ৰমণ কৰে, তাৰ পিছত ইয়াৰ প্ৰতিক্ৰিয়া স্বৰূপে ইজৰাইলে গাজা ষ্ট্ৰিপত বোমা বিস্ফোৰণ কৰে। এই বোমা বিস্ফোৰণত দহজন লোক নিহত হোৱাৰ লগতে দুই ডজনৰো অধিক লোক আহত হোৱাৰ তথ্য ওলাইছে।
গাজা ষ্ট্ৰিপত সক্ৰিয় সন্ত্ৰাসবাদী সংগঠন পেলেষ্টাইন ইছলামিক জেহাদৰ সদস্যই ৰকেট নিক্ষেপ কৰি ইজৰাইলক আক্ৰমণ কৰে। এই ৰকেট আক্ৰমণৰ প্ৰতিক্ৰিয়া স্বৰূপে ইজৰাইলে গাজা ষ্ট্ৰিপত তীব্ৰ বোমাবৰ্ষণ কৰিছে। এই বোমা বিস্ফোৰণত দহজন লোক নিহত হোৱাৰ লগতে দুডজনৰো অধিক লোক আহত হৈছে। নিহতসকলৰ ভিতৰত এজন সাধাৰণ নাগৰিকক চিনাক্ত কৰা হৈছে। বাকী মৃত লোক কেইজন পেলেষ্টাইন ইছলামিক জেহাদ অৰ্গেনাইজেশ্যনৰ সদস্য। এই আক্ৰমণত পেলেষ্টাইনী ইছলামিক জেহাদ সংগঠনৰ কিমানজন সদস্য নিহত হৈছে আৰু নিহতসকলৰ ভিতৰত মুঠ সাধাৰণ নাগৰিকৰ সংখ্যা কিমান আছে তাৰ খা–খবৰ কৰি থকা হৈছে।
ইজৰাইলে কয় যে সন্ত্ৰাসবাদী সংগঠন হামাছে গাজা ষ্ট্ৰিপত অস্ত্ৰ নিৰ্মাণৰ চেষ্টা চলাইছে। এনে প্ৰচেষ্টাক মষিমূৰ কৰিবলৈ গাজা ষ্ট্ৰিপত বোমা বিস্ফোৰণ কৰা হৈছে। ইজৰাইলৰ প্ৰতিৰক্ষা বাহিনীয়ে কয় যে ইজৰাইলৰ সৈন্যই মধ্য গাজাৰ বটম অৱ দ্য ফাৰ্মক লক্ষ্য কৰি লৈছে। বটম অৱ ফৰ্ম হৈছে মাটিৰ তলৰ এটা সুবিধা য’ত মাগাজী শৰণাৰ্থী শিবিৰত ৰকেট নিৰ্মাণ কৰা হয়। এই আক্ৰমণৰ ফলত হামাছৰ অস্ত্ৰ নিৰ্মাণৰ প্ৰচেষ্টাত যথেষ্ট ক্ষতি হ’লহেঁতেন। ইজৰাইলে মধ্য গাজাত বোমাবৰ্ষণৰ ভিডিঅ’ ছ’চিয়েল মিডিয়াত ভাইৰেল হৈ পৰিছে, সগতে গাজাত বিমান আক্ৰমণৰ কেইবাটাও বৃহৎ বিস্ফোৰণৰ দৃশ্যও দেখা পোৱা গৈছে।
হিন্দুস্থান সমাচাৰ/সঞ্জীৱ/অৰৱিন্দ/মনোজ
