এআইএফএফৰ সাধাৰণ সম্পাদক কুশল দাসৰ পদত্যাগ
নতুন দিল্লী, ৩০ জুন (হি.স.)। অল ইণ্ডিয়া ফুটবল ফেডাৰেচন (এআইএফএফ)ৰ সাধাৰণ সম্পাদক কুশল দাসে চিকিৎসাজ
এআইএফএফৰ সাধাৰণ সম্পাদক কুশল দাসৰ পদত্যাগ


নতুন দিল্লী, ৩০ জুন (হি.স.)। অল ইণ্ডিয়া ফুটবল ফেডাৰেচন (এআইএফএফ)ৰ সাধাৰণ সম্পাদক কুশল দাসে চিকিৎসাজনিত কাৰণ উল্লেখ কৰি তেওঁৰ পদৰ পৰা পদত্যাগ কৰিছে। উল্লেখ্য যে দাস ২০ জুনৰ পৰা ছুটিত আছিল।

দাসৰ পদত্যাগ গ্ৰহণ কৰি এআইএফএফে এক চৰকাৰী বিবৃতিত কয় সৰ্বভাৰতীয় ফুটবল ফেডাৰেশ্যনে তেওঁৰ সিদ্ধান্তক সন্মান কৰে আৰু তেওঁৰ কাৰ্যকালত তেওঁৰ অৱদান, নিৰ্দেশনাৰ বাবে তেওঁক ধন্যবাদ জনাইছে। আমি তেওঁৰ ভৱিষ্যতৰ প্ৰচেষ্টাত তেওঁৰ সুস্বাস্থ্য আৰু ভাগ্য কামনা কৰিছো।

দাসৰ অনুপস্থিতিত উচ্চতম ন্যায়ালয়ৰ দ্বাৰা নিযুক্ত প্ৰশাসক সমিতিয়ে কাৰ্যকৰী সাধাৰণ সম্পাদক হিচাপে নিযুক্তি লাভ কৰা এআইএফএফ লীগৰ মুখ্য কাৰ্যবাহী বিষয়া সুনন্দো ধৰে তেওঁৰ ভূমিকাত থাকিব।

দাস ২০১০ চনৰ পৰা তেওঁৰ পদত আছিল আৰু শেহতীয়াকৈ আই-লীগৰ দল মিনাৰ্ভা পঞ্জাৱৰ প্ৰাক্তন গৰাকী ৰঞ্জিত বাজাজে এআইএফএফ কৰ্মচাৰীসকলৰ সৈতে অনুচিত আচৰণ কৰাৰ অভিযোগ উত্থাপন কৰিছিল। দাস আৰু এআইএফএফ দুয়োজনে এই অভিযোগ নাকচ কৰিছিল আৰু ফুটবল সংস্থাৰ সততা বিষয়া জাভেদ চিৰাজে তেওঁৰ প্ৰতিবেদনত এই অভিযোগসমূহক তুচ্ছ আৰু সত্যবিহীন বুলি অভিহিত কৰিছিল।

হিন্দুস্থান সমাচাৰ/ সুনীল/ বিস্মিতা/মনোজ


 rajesh pande