মৰাণৰ নিজখোৱাং চমুৱা গাঁৱত বনৰীয়া ম'হৰ তাণ্ডৱ
ডিব্ৰুগড়, ২৩ জুলাই(হি.স.)। ডিব্ৰুগড় জিলাৰ মৰাণৰ নিজখোৱাং চমুৱা গাঁৱত ত্ৰাসৰ সৃষ্টি কৰিছে এটা বনৰীয
মৰাণৰ নিজখোৱাং চমুৱা গাঁৱত বনৰীয়া ম'হৰ তাণ্ডৱ


ডিব্ৰুগড়, ২৩ জুলাই(হি.স.)। ডিব্ৰুগড় জিলাৰ মৰাণৰ নিজখোৱাং চমুৱা গাঁৱত ত্ৰাসৰ সৃষ্টি কৰিছে এটা বনৰীয়া ম'হে৷ কেইবামাহো অঞ্চলটোত বিচৰণ কৰি থকা ম''হটোৱে শেহতীয়াকৈ বহু কৃষকৰ কঠিয়াতলি নষ্ট কৰাত সমস্যাৰ সমূখীন হৈছে কৃষকসকল৷

ম'হটোৱে বৰ্তমানলৈকে অঞ্চলটোৰ প্ৰায় ২০ গৰাকী কৃষকৰ কঠিয়াতলিত সোমাই কঠিয়া নষ্ট কৰিছে৷ ফলত এইবাৰ পথাৰত ৰোৱা ৰুবলৈ সমস্যাৰ সমূখীন হ''ব কৃষকসকল৷ তদুপৰি উগ্ৰ ৰূপ লোৱা ম'হটোৱে গৰু-ছাগলীৰ লগতে পথাৰত হাল বাই থকা কৃষককো আক্ৰমণৰ লক্ষ্য কৰি লোৱাত অঞ্চলটোত আতংকই বিৰাজ কৰিছে৷ স্থানীয় ৰাইজৰ অভিযোগৰ পিছতে অঞ্চলটোত বন বিভাগৰ লোক উপস্থিত হৈ কৃষক ৰাইজক ফটকা যোগান ধৰিছে যদিও আশ্বস্ত হ''ব পৰা নাই ৰাই৷ বিশেষকৈ আগন্তক খেতিৰ সময়ত ম''হৰ সমস্যাৰ পৰা পৰিত্ৰাণৰ বাবে সুব্যৱস্থা গ্ৰহণৰ দাবী জনাইছে ৰাইজে৷

হিন্দুস্থান সমাচাৰ/প্ৰকাশ/আলোক.


 rajesh pande