- হকী ইণ্ডিয়াই দলৰ অধিনায়ক হিচাপে নিযুক্ত ডিফেণ্ডাৰ আৰু ড্ৰেগফ্লিকাৰ ৰোহিত

নতুন দিল্লী, ১৪ নৱেম্বৰ (হি.স.)। হকী ইণ্ডিয়াই বহু শুকুৰবাৰে প্ৰত্যাশিত এফ আই এইচ জুনিয়ৰ পুৰুষ হকী বিশ্বকাপ তামিলনাডু ২০২৫ৰ বাবে ১৮ জনীয়া ভাৰতীয় জুনিয়ৰ পুৰুষ দলৰ ঘোষণা কৰে।

ভাৰতীয় দলৰ প্ৰশিক্ষক হিচাপে আছে ভাৰতৰ প্ৰাক্তন গ’লৰক্ষক পি.আৰ.শ্ৰীজেশ। পুল বিত ড্ৰ’ হোৱা ভাৰতীয় দলটোৱে চিলি, ছুইজাৰলেণ্ড আৰু ওমানৰ বিৰুদ্ধে খেলিব। পাকিস্তানৰ ঠাইত ওমান অন্তৰ্ভূক্ত হৈছে। শেহতীয়াকৈ মালয়েছিয়াত অনুষ্ঠিত হোৱা চুলতান অৱ জোহৰ কাপত ভাৰতে ৰূপৰ পদক লাভ কৰা আকৰ্ষণীয় প্ৰদৰ্শনৰ পিছতে ডিফেণ্ডাৰ তথা ড্ৰেগফ্লিকাৰ ৰোহিতক দলৰ অধিনায়ক হিচাপে নিৰ্বাচিত কৰা হৈছে। গ’লৰক্ষক বিক্ৰমজীত সিং আৰু প্ৰিন্সদীপ সিঙক দলত অন্তৰ্ভুক্ত কৰা হৈছে।

ডিফেন্সত অধিনায়ক ৰোহিতৰ সৈতে যোগ দিব অভিজ্ঞ আমিৰ আলী (যোৱা জুনিয়ৰ বিশ্বকাপৰ অংশ), আনমোল এক্কা, তালেম প্ৰিয়বাৰ্তা, সুনীল পলাক্ষপ্পা বেন্নুৰ, আৰু অভিজ্ঞ শাৰদানন্দ তিৱাৰীয়ে। অংকিত পাল, আদ্ৰোহিত এক্কা, থৌনৌজাম ইংলেম্বা লুৱাং, মনমীত সিং, আৰু ৰোজান কুজুৰক অন্তৰ্ভুক্ত কৰা হৈছে। ফৰৱাৰ্ড লাইন গঢ় দিব সৌৰভ আনন্দ কুশৱাহা, আৰ্শদীপ সিং, অজিত যাদৱ, দিলৰাজ সিং, আৰু গুৰজোৎ সিঙে (যোৱা বছৰ এছিয়ান চেম্পিয়নছ ট্ৰফীত ছিনিয়ৰত অভিষেক ঘটোৱা)।

তাৰ ঠাইত ৰৱনীত সিং আৰু ৰোহিত কুল্লুক বাছনি কৰা হৈছে। দুৰ্ভাগ্যজনকভাৱে ভাৰতে তেওঁলোকৰ তাৰকা ষ্ট্ৰাইকাৰ অৰিজিৎ সিং হুণ্ডলক হেৰুৱাব, যি কান্ধৰ আঘাতৰ বাবে এই বিশ্বকাপত অংশগ্ৰহণ কৰিব নোৱাৰিব।

প্ৰশিক্ষক পি.আৰ.শ্ৰীজেশে দলটোৰ বিষয়ে এক আনুষ্ঠানিক বিবৃতিত কয় যে, আমি এটা অভিজ্ঞ আৰু পৰীক্ষামূলক দল বাছনি কৰিছো। এই খেলুৱৈসকলৰ ডাঙৰ প্ৰতিযোগিতাত খেলাৰ ভাল অভিজ্ঞতা আছে। নিৰ্বাচনৰ মূল মাপকাঠী আছিল তেওঁলোকৰ ফিটনেছ, দক্ষতা, দলীয় কাম, আৰু হেঁচাত পৰি প্ৰদৰ্শন কৰাৰ মানসিক ক্ষমতা। তেওঁ আৰু কয় যে জুনিয়ৰ বিশ্বকাপৰ প্ৰস্তুতিৰ বাবে তেওঁলোকে কেইবাখনো আন্তঃৰাষ্ট্ৰীয় মেচ খেলিছিল, লগতে ছিনিয়ৰ দলৰ সৈতে নিয়মীয়া মেচ খেলিছিল, যিয়ে খেলুৱৈসকলৰ আত্মবিশ্বাস বৃদ্ধি কৰিছিল। আমাৰ লক্ষ্য ঘৰুৱা দৰ্শকৰ সন্মুখত ভাল প্ৰদৰ্শন কৰা।

ভাৰতীয় জুনিয়ৰ পুৰুষ হকী দল

গ’লৰক্ষক : বিক্ৰমজিৎ সিং, প্ৰিন্সদীপ সিং।

ডিফেণ্ডাৰ : ৰোহিত (অধিনায়ক), তালেম প্ৰিয়বৰ্তা, আনমোল এক্কা, আমিৰ আলী, সুনীল পলাক্ষপ্পা বেন্নুৰ, শাৰদানন্দ তিৱাৰী।

মিডফিল্ডাৰ : অংকিত পাল, থৌনৌজাম ইংলেম্বা লুৱাং, আদ্ৰোহিত এক্কা, ৰোছান কুজুৰ, মনমীত সিং, গুৰজোট সিং।

ফৰৱাৰ্ড : আৰ্ষদীপ সিং, সৌৰভ আনন্দ কুশৱাহা, অজিত যাদৱ, দিলৰাজ সিং।

সহযোগী খেলুৱৈ: ৰৱনীত সিং, ৰোহিত কুল্লু।

हिन्दुस्थान समाचार / অৰৱিন্দ