টুৰিন, ১৪ নৱেম্বৰ (হি.স.)। স্পেইনৰ কাৰ্লোছ আলকাৰাজে বৃহস্পতিবাৰে লৰেঞ্জো মুছেট্টিক ৬-৪, ৬-১ ব্যৱধানত পৰাস্ত কৰি এ টি পি ফাইনেলত গুৰুত্বপূৰ্ণ জয়লাভ কৰি ২০২৫ চন বিশ্বৰ ১ নং স্থান দখল কৰাৰ গৌৰৱ লাভ কৰে।

এই ছিজনত দুটা গ্ৰেণ্ড শ্লেম জয় কৰা ২২ বছৰীয়া আলকাৰাজে সোমবাৰে প্ৰকাশ পাবলগীয়া নতুন এ টি পি ৰেংকিঙত ছিনাৰৰ ওপৰত স্থান দখল কৰিব। মুছেট্টীৰ বিৰুদ্ধে জয়লাভ কৰি জিমি কনৰ্ছ গ্ৰুপৰ শীৰ্ষ স্থানো নিশ্চিত হয়।

এই ছিজনত এতিয়ালৈকে ৭০খন মেচত জয়লাভ কৰা আলকাৰাজে শনিবাৰে ছেমিফাইনেলত পৰাস্ত হ’লেও বছৰটো বিশ্বৰ ১ নং স্থান হিচাপে শেষ কৰিব।

অৱশ্যে আলকাৰাজে প্ৰথম খিতাপৰ দিশত শক্তিশালীভাৱে আগবাঢ়িছে যেন লাগে আৰু বুধবাৰে ব্জৰ্ন বৰ্গ গ্ৰুপৰ শীৰ্ষস্থান দখল কৰা প্ৰতিযোগিতাখনৰ ফাইনেলত তেওঁ পুনৰবাৰ ইটালীৰ চিনাৰৰ বিৰুদ্ধে মুখামুখি হ’ব পাৰে বুলি ইংগিত পোৱা গৈছে।

আলকাৰাজে আনন্দ প্ৰকাশ কৰি কয়, মোৰ বাবে ইয়াৰ অৰ্থ বহুত। বছৰৰ বাবে ১ নং হোৱাটো সদায় এটা লক্ষ্য। বছৰৰ আৰম্ভণিতে মই কেতিয়াও ভবা নাছিলো যে মই ইয়াত উপনীত হ'ম, কিয়নো চিনাৰে প্ৰায় প্ৰতিখন প্ৰতিযোগিতাতে ধাৰাবাহিকভাৱে জয়ী হৈছিল। এইটো এটা গোটেই ছিজনৰ কঠোৰ পৰিশ্ৰমৰ ফল। মই মোৰ দল আৰু নিজৰ বাবে গৌৰৱান্বিত।

এই ছিজনত ছিনাৰৰ বিৰুদ্ধে পাঁচখন মেচৰ ভিতৰত চাৰিখন খেলত জয়লাভ কৰিছে আলকাৰাজে, য’ত দুখন গ্ৰেণ্ড শ্লেমৰ ফাইনেলও আছে। ফ্ৰেন্স অ’পেনত চিনাৰক ঐতিহাসিক মেচত পৰাস্ত কৰি আলকাৰাজে নিজৰ খিতাপ ৰক্ষা কৰাৰ বিপৰীতে উইম্বলডনৰ ফাইনেলত ইটালীৰ হাতত পৰাস্ত হয়।

ইফালে মুছেট্টিয়ে সংগ্ৰাম কৰিলে। শেষ মুহূৰ্তত ন’ভাক জ’কভিচে আঁতৰি যোৱাৰ পিছত বিশ্বৰ ৯ নং মুছেট্টিয়ে ফাইনেলৰ বাবে যোগ্যতা অৰ্জন কৰে যদিও ক্লান্তিৰ বাবে তেওঁৰ খেলত প্ৰভাৱ পৰে। দ্বিতীয় ছেটত তেওঁ সম্পূৰ্ণৰূপে ভাঙি পৰে।

এথেন্সৰ ফাইনেলত জ’কভিচৰ হাতত পৰাস্ত হোৱা মুছেট্টিয়ে কয় যে, মই বহুত ভাগৰি পৰিছিলো। মই জানিছিলোঁ যে যোৱা কেইমাহমানৰ পৰা বিশেষকৈ যোৱা সপ্তাহৰ কঠিন যুঁজৰ পৰা সুস্থ হোৱাটো সহজ নহ'ব। আজি মোক এটা অলৌকিকতাৰ প্ৰয়োজন আছিল।

ইয়াৰ লগে লগে মুছেট্টীৰ এ টি পি ফাইনেলৰ যাত্ৰা শেষ হ’ল, আৰু অহা সপ্তাহত ব’ল’গনাত অনুষ্ঠিত হ’বলগীয়া ডেভিছ কাপৰ ফাইনেল ৮তো তেওঁ খেলিব নোৱাৰিব।

हिन्दुस्थान समाचार / অৰৱিন্দ