লক্ষীমপুৰ, ০১নৱেম্বৰ (হি.স.)। বিহপুৰীয়াৰ প্ৰেৰণা চিনেমা হলত দ্বিতীয় দিনাও ৰৈ ৰৈ বিনালে চালে আবাল বৃদ্ধ বনিতাই ৷ প্ৰাণৰ শিল্পী গৰাকীৰ অন্তিম খন চলচ্চিত্ৰ চাই আবেগিক হৈ পৰিল সকলো। পুত্ৰৰ জৰিয়তে জুবিন গাৰ্গৰ লগত আত্মীয়তা গঢ়ি উঠা এগৰাকী আইতাও আহিল ৰৈ ৰৈ বিনালে চাবলৈ৷

ইপিনে আজিৰ দিনটোত বিহপুৰীয়া আৰু নাৰায়ণপুৰৰ দুটাকৈ চিনেমা হ’লত সমাজকৰ্মী নাৰায়ণ ভূঞা ওৰফে ৰাম ভূঞাই বিহপুৰীয়া নাৰায়ণপুৰৰ এক হাজাৰ (১০০০) দৰিদ্ৰ লোকক বিনামূলীয়াকৈ চিনেমা খন চোৱাৰ সুযোগ প্ৰদান কৰে ৷ ভূঞাৰ এই কাৰ্যত সকলোৱে প্ৰশংসা কৰিছে ৷

উল্লেখযোগ্য যে অহা ১০ নবেম্বৰলৈকে সকলো দৰ্শনী পূৰ্ণ হৈছে ৷ অসমৰ হিয়াৰ আমঠু সংগীত শিল্পী জুবীন গাৰ্গৰ অন্তিম খন বোলছৱি ৰৈ ৰৈ বিনালে

ৰাইজৰ পৰা বিপুল সহাৰি লাভ কৰিব সক্ষম হৈছে।

হিন্দুস্থান সমাচাৰ / প্ৰকাশ ডেকা