পাটনা, ০১ নৱেম্বৰ (হি.স.)। ৰাষ্ট্ৰীয় গণতান্ত্ৰিক মিত্ৰজোঁটৰ নেতাসকলে বিহাৰ বিধানসভা নিৰ্বাচনৰ প্ৰচাৰত সকলো প্ৰচেষ্টা চলাইছে। এন ডি এৰ সকলো তাৰকা প্ৰচাৰক জনসাধাৰণক আকৰ্ষণ কৰাত ব্যস্ত। ইফালে, প্ৰথম পৰ্যায়ৰ ভোটগ্ৰহণৰ দিন ৬ নৱেম্বৰত প্ৰধানমন্ত্ৰী নৰেন্দ্ৰ মোদীয়ে বিহাৰ ভ্ৰমণ কৰিব বুলিও খবৰ প্ৰচাৰিত হৈছে। ভাগলপুৰ আৰু আৰিয়াৰিয়াত নিৰ্বাচনী সভাত ভাষণ দিব।

ভাৰত জনতা পাৰ্টিৰ ৰাজ্যিক সংবাদ মাধ্যম প্ৰভাৰী প্ৰভাত মালাকাৰে শনিবাৰে কয় যে প্ৰথম পৰ্যায়ৰ ভোটগ্ৰহণৰ দিন ৬ নৱেম্বৰত প্ৰধানমন্ত্ৰী নৰেন্দ্ৰ মোদীয়ে বিহাৰ ভ্ৰমণ কৰিব। সেইদিনা দ্বিতীয় পৰ্যায়ৰ বিধানসভা সমষ্টিত ভোটাৰক সম্বোধন কৰিব প্ৰধানমন্ত্ৰী মোদীয়ে। ভাগলপুৰ আৰু আৰিয়াৰিয়াত প্ৰধানমন্ত্ৰীৰ বাবে বৃহৎ ৰাজহুৱা সভা অনুষ্ঠিত হোৱাৰ কথা। ভাগলপুৰৰ বিমানবন্দৰৰ খেলপথাৰত প্ৰায় ৫ লাখ লোকে অংশগ্ৰহণ কৰাৰ সম্ভাৱনা আছে।

২ নৱেম্বৰত পাটনাত অনুষ্ঠিত হ’ব ৰোড শ্ব’

ইফালে ২ নৱেম্বৰ দেওবাৰে পাটনাত ৰোড শ্ব’ অনুষ্ঠিত কৰিব প্ৰধানমন্ত্ৰী মোদীয়ে। বিয়লি ৫ বজাৰ পৰা আৰম্ভ হ’ব ৰোড শ্ব’। দীনকৰ গোলাম্বৰৰ পৰা কদমকুৱান, বাৰিপাঠ, আৰু বাকৰগঞ্জ হৈ উদ্যোগ ভৱনলৈ আগবাঢ়িব। এই ৰোড শ্ব’ৰ বাবে ৰাজধানী পাটনাত কটকটীয়া নিৰাপত্তাৰ ব্যৱস্থা কৰা হৈছে। প্ৰায় ২০০০ আৰক্ষী আৰু অৰ্ধসামৰিক জোৱান নিয়োগ কৰা হৈছে। ট্ৰেফিক ডাইভাৰচনো কাৰ্যকৰী কৰা হৈছে। কদমকুৱানৰ পৰা দৰিয়াপুৰলৈ যোৱা পথটো সম্পূৰ্ণৰূপে বন্ধ হ’ব।

हिन्दुस्थान समाचार / অৰৱিন্দ